Diaranson mainta, e grupo di opleidingschool cu ta bezig cu zuilmilieu lo ta 8 or mainta na Fisherman’s Hut. E grupo a kies e tema Coremento/stacionamento riba beach den districto di Noord.
DOW ta bay yuda e grupo cu nan proyecto pa stop e coremento/stacionamento riba beach den districto di Noord. DOW ta bay pone borchi di conscientisacion pa stop e coremento riba beach y pone boulders caminda ta posibel pa stop vehiculonan di motor di subi nos beach nan.
E articulo nan menciona lo bay wordo poni na Eagel Beach, Fisherman’s Hut y duinen patras di California Lighthouse.
Adicional DOW lo haci e muraya (Turtle barrier) cu tin na Fisherman’s Hut visibel dor di kita e santo cu a acumula durante tempo. Esaki tambe lo por stop e coremento riba e beach na Fisherman’s Hut. E muraya menciona a wordo traha door di Turtuga Aruba cu permiso di DOW.
AHATA lo otorga e borchinan.
Diaranson DOW lo start cu e limpiesa di e muraya na Fisherman’s Hut. Un suplica ta pa media ta presente na e accion nan pa haci e ciudadano mas consciente. E grupo ta bezig tambe pa haci e procedura pa haya un ontheffing pa core riba beach pa baha y subi boto mas duidelijk. Esaki no a wordo duna nunca. Esaki ta pa e watersports, piscadonan y doñonan di boto.
Mañan 8 or mainta Fisherman’s Hut. Nos ta warda boso.