Grupo di persona cu donacion na señora victima di atraco

Diabierna mainta un caso di atraco a sacudi e comunidad di Aruba. E victima di atraco tabata un señora di edad avansa, na salida di banco despues di a coba su pensioen.

Sra. Radinka van Vuurden na momento cu el a tende e noticia aki, el a keda hopi den shock na momento cu el a wak e noticia di cu e señora a keda atraca. Sra. van Vuurden a share e noticia aki ariba su pagina persona di Facebook. El a wak diferente comentarionan unda cu ta pidi pa gobierno of banco pa yuda e señora. Pero e ta kere cu ta tempo pa comunidad mustra cu nan tambe tin e poder pa stop esaki y haci un diferencia. No ta husto pa atraca un persona y pio ariba un señora di edad.

El a bin cu e proposicion di yuda e señora cera su cen bek. E ta pone e prome 25 florin y asina cera un grupo di 40 persona, cada uno dunando 25 florin, lo yuda e señora yega su 1000 florin. El a haya hopi reaccion, nan a share su post mas di shen biaha. Ta danki na un y tur cu a yuda p’asina a logra cera 1950 florin. E placa aki a wordo deposita ariba e señora su cuenta bancario.

Danki na Sra. Radinka van Vuurden cu a bin cu e proposicion. El a splica cu mester bin mas proteccion pa nos grandinan. Ta di e placa di pensioen nan ta depende di dje pa nan sobrevivencia.

Comments

comments