Un grupo di mayornan preocupa, cu tin yiu cu ta atendiendo Tra’i Merdia, a manda un carta pa Minister di Enseñansa, drs. Armando ‘Rudy’ Lampe. Esaki ta basa ariba tur loke ta pasando y cu ta saliendo den medionan di comunicacion pa loke ta Tra’i Merdia/scol caba te cu 3’or.
Punto di e mayornan preocupa ta cu: Tra’i Merdia no por cera. Si e cera lo bin hopi problema pa opvang y problemanan social.
Pasobra hopi mayor lo opta pa laga nan yiu chikito na cas sin supervision paso nan no lo por paga un huiswerkbegeleiding priva.
Costo di bida ta caro y actualmente mayornan ta paga Tra’i Merdia a base di salario. Y Tra’i Merdia ta bayendo bon pa hopi aña caba dus pakico e tin cu stop!
Grupo di Mayornan preocupa ta en espera di un contesta di Minister pa segura cu tur rumor cu tin lo keda rumor y no cu Tra’i Merdia lo cera. Diaranson mainta e carta a bay pa registra na BID y ta asumi cu pa awo, e carta lo mester a yega caba den man di e minister.