Den luna di augustus 1978 un grupo di hoben Arubano a cuminsa e estudio pa bira maestro di scol na Arubaanse Pedagogische Academie. Despues di a gradua na 1981 nan a cuminsa eherce e bunita profesion di maestro di scol. Tin di nan a keda duna les den klas, otronan a bira cabesante, director, of a bay traha como guia riba tereno di enseñanza. Awe, despues di 40 aña, nan a bin hunto pa celebra y recorda e temponan cu hamas lo bolbe.
E grupo aki di APA dia 27 januari a reuni na Pro-catedral San Fransisco pa gradici Dios Tata, Dios Yiu y Dios Spirito Santo pa e don di ta ‘Maestro’. Despues nan a sigui celebra disfrutando di un suculento brunch na Marriott Hotel. Ainda hopi di e maestronan aki ta activo y ta aporta cu nan conocemento y experiencia na enseñansa y educacion di nan pais Aruba. Masha pabien!