E fin di siman aki, lo tuma luga e competencia internacional “Inter” na Corsou, organisa pa ASPAFIKO. For di Aruba lo particia 1 jinete y 6 amazona den e evento aki.
Den e categoria di Amazonas di 9-11 aña, Aruba lo wordo representa pa Zaria de Groot y Emilie Lomans. Den e categoria di Jinete di 12-14 aña lo participa Zachary Coffie. P’e categoria di Amazonas di 15-17 aña, Aruba lo wordo representa pa Xielle Koolman y den e categoria di Amazonas di 18-20 aña, lo participa Carolina de Cuba. Den e categoria di Amazonas mayor di 25 aña lo competi Jenilee de Cuba.
Esaki tambe lo ta e ultimo internacional prome cu e Campeonato Mundial, cu lo tuma luga na juli na Puerto Rico. Ta importante menciona cu Aruba lo conta cu 3 cabay cu lo representa e isla den e competencia aki. E cabaynan a biaha dialuna anoch iden e barco Don Andres y a yega Corsou diamars mainta. E cabaynan participante ta Oasis de los Sauces, di e modalidad Trocha di Criadero Hermanos Bruin y dos cabay di e modalidad Paso Fino: Suavidad de la Siberia di Criadero W y Secreto de Magico di famia De Cuba.
Nos ta desea tur e participante y montadonan hopi exito.