NEW YORK, Merca- E autoridadnan di New York ta investigando e caso di agresion realisa door di un grupo di hoben contra di un mucha muhe di 11 aña. Segun autoridadnan a informa na medionan local, agentenan a señala cu e suceso a tuma luga dia 18 di december rond di 8 or di anochi den un di e cayanan di Brooklyn.
Un video di e agresion a wordo divulga a trabes di e plataforma Snapchat. E grabacion a mustra como dos hoben, cu’n di tres grabando e escena, a tira un tas ariba e mucha, a tira awa den su cara y tira un boter di plastic prome cu nan a dal’e den su cabes. E menor a sufri di heridanan leve.
E atacantenan di a huy di e escena, pero diaranson polis a detene un di e sospechosonan. Ta trata di un hoben di 14 aña cu ta wordo acusa pa agresion y imprudencia temerario mientras cu agentenan ta buscando e otro hobennan involucra.
Specialistanan ta adverti cu “bullying” por tin consecuencianan grave pa e salud mental di e victimanan. Un estudio di december 2018 a señala cu e “victimizacion continuo experimenta den adolescencia por tin efecto di desviacion di e desaroyo normal di e celebro relevante pa psicopatologia”