Diadomingo madruga den oraran di 3:30, unidadnan di k9 unit a keda dirigi den area di Weststraat pa ta exacto miami club, mirando cu lo tin posibel pelea. Na yegada di k9 a controla dilanti e nightclub pero no a encontra cu nada.
Momento cu e agentenan policial a pasa e parkeerplaats cu tin patras a bin encontra cu un pelea y supuestamente un di e partido lo mester tin arma di candela. E auto cu supuestamente tin arma di candela a purba di bandona e sitio pero unidad k9 den manera strategico a blokia un auto blauw riba e Lg smith blvd net poco pabou di candela food truck. Aki a listra tanto como chauffeur y auto pa wak si ta encontra cu e dicho arma di candela, pero no a topa cu nada iregular.
Durante e control, net dilanti diamonds international un persona bisti den cora tawata coriendo bayendo su auto debi cu tin 2 persona coriendo su tras purbando di agredie. Riba e caminda di Lg smith blvd net momento cu autonan ta pasando, un pelea a surgi. Mesora unidadnan di k9 unit cu tawata controlando e auto blauw a lag’e bay y a cuminsa bay den e direccion di e pelea pero no por a encontra cu e 2 partidonan envolucra den e pelea.
Un rato despues, agentenan policia riba e caminda di Ponton net na altura di subway na Caya Ernesto Petronia. A bin encontra cu un auto kia color shinishi coriendo sin luz. Mesora a dune señal pa para y momento cu a bai atende cu e chauffeur, a bin encontra cu e victima di e pelea cu a sosode dilanti diamonds international cu sanger na su cabes. E agentenan a puntra si su persona mester asistencia di ambulans, pero a nenga esaki. E agentenan a laga e victima bay su cas pa sosega curpa.