MIAMI, Merca- Un grupo di exiliado Venezolano a reuni dilanti di e teatro Fillmor di Miami Beach, Merca, pa protesta contra di e presentacion di e grupo Musical Guaco. E exiliadonan ta vincula e grupo aki cu e Chavistanan, segun e organisacion Venezolano Perseguidos den el Exilio (Veppex).
Decenas di exiliadonan a expresa nan rechaso contra di e agrupacion cu ta e ganado di e premio Latin Grammy 2017, den categoria Miho Album Tropical Contemporaneo pa su disco “Bidminensional”. Nan tabata protesta contra di e presentacion di e orkesta Guaco den un espectaculo organisa pa e lider Chavista Diosdado Cabello, den e localidad Venezolano Furrial, na Augustus ultimo.
“Bou di e consignanan ‘Guaco Chavista bo ta comunista’, Guaco bo tabata canta mientras cu studiantenan tabata muriendo’, ‘Gustavo Aguado entrega na Diosdado’, e asistentenan na e protesta ta haci e motibo di nan protesta wordo sinti, segun e comunicado di Veppex, convocantenan di e manifestacion.
E grupo Guaco tabata e opening act di e prome concierto como solista di e cantante Venezolano Chyno, cu a tuma luga diasabra anochi den e Teater Fillmore di Miami Beach. Veppex a haci un yamada na e Venezolanonan na Florida pa protesta dilanti di e portanan di e theater y pa no cumpra entrada.
Fuente: https://www.lapatilla.com