Dialuna 12’or di marduga dilanti un luga di bende cuminda na Sero Blanco varios persona a mira con un fuga blanco A-53003 y un Suzuki swift tabatin problema cu otro y den e swift cora un homber a baha y cuminsa saca machete pa esnan den e fuga blanco. Aki a start un discusion bay off, cos a bay for di man un rato.
Ambos sospechoso a bandona e sitio, y patruya a yega basta lihe y busca informacion y a sali busca e sospechosonan. Na caminda di Caya Betico Croes polis a topa cu e fuga blanco a duna e chauffeur señal pa para pero nada, e chauffeur a cuminsa hisa velocidad y aki a core den cayanan di Dakota un rato y den Grenedaweg nan a para. Polisnan a tuma nota di 5 persona abordo y cu cautela a bay riba e auto pone tur hende saca man y asina nan a logra sali. Polisnan a listra e auto completo y e hobennan, a papia cu nan relaciona cu e problema di rato prome cu a pasa na Sero Blanco.