Diamars anochi den e bario di Sabana Basora a surgi un problema unda un grupo di cinco persona a bay busca problema na un famia poco mas pariba di nan cas. Cos tabata tenso for di trempan pero e biaha aki nan a yega y bombardia full e famia cu baranca y a hinca dos hende homber y core bandona e sitio.
https://www.facebook.com/masnoticia/videos/592551961679701/
Polisnan a yega basta lihe a rondona e cas di e sospechosonan y e cas di e victima. Personal di ambulance a atende cu e persona hinca y a keda transporta pa hospital. Polis na e sitio a detene un total di 7 persona. 5 persona e sospechosonan cu a presenta na e cas pa bringa cu e famia di 2 y e famia di 2 tambe a keda deteni pa ta meti den e bringamento. Na warda tur hende lo keda interoga pa saca afo kende ta esun cu a hinca.