Willemstad Curacao: Diadomingo mainta autoridad ta keda informa cu tin tiro a cay na St Joris y tin un persona benta abou. Di biaha patruyanan ta yega y topa cu un homber benta abou cu tiro na curpa y no ta duna señal di bida. Ta trata di e homber Gregory Illidge cu ta un ex trahado di warda costa y tambe, politico di e partido nashonal di pueblo na Curacao, y alaves e ta un conocido comerciante. El a caba di entrega keho un dia prome na warda di polis tocante menasa cu morto. Autoridad ta investigando e caso aki.