Gregory Fung-A-Fat di United Farmers Aruba durante presentacion di Plan Economico

Durante e presentación di e plan di e maneho economico 2019 – 2022, Un Economia Fuerte y Resiliente di parti Minister di Economia Ruiz-Maduro algun siman atras Sr. Gregory Fun-A-Fat di Unites Farmers Aruba tabata invitado tambe pa duna un presentacion na tur e invitadonan y a splica cu nan ta un asociacion pa tur cu ta den e sector di agricultura y cria di bestia. E meta ta pa uni tur cu ta den a sector aki y tambe lucha pa tur locual tin mester pa por promove e sector primario aki. Actualmente tin un total di 30 miembro cu ta planta varios tipo di mata y den varios estilo di plantacion manera e.o. Aquaponics, Hydroponics, tradicional. Segun Sr. Gregory Fun-A-Fat nan associacion tin 9 luna cu nan a wordo lanta y ta mira cu tabata algo cu Aruba tin mester pa por desaroya e sector aki.

United Farmers Aruba ta trahando hunto cu gobierno di Aruba y Santa Rosa riba varios tema y un bes pa luna ta sinta hunto pa wak con cos ta canando. Ta papia kico tur stakeholders pa waak kico por hasi pa facilita e proceso nan pa desaroya e sector di agricultura y cria di bestia manera e.o. peticion pa tereno, rebaho di awa, clarificacion riba belasting.
E asociacion uni di agricultornan ta kere cu esaki ta un comienso pa por sigui desaroya e sector primario aki y ta den e plan economico cu gobiernio pa medio Minister di Finansa, Asuntonnan Economico y Cultura a presenta cu lo cumpli tambe cu varios metanan di e Desaroyo Sostenibel Global manera Caba cu Hamber, Awa Limpi, Energia Limpi y Economia, Innovacion y Infrastructura, Barionan y Comunidad Sostenibel, Producciomn y Consumo Responsabel y Accion riba Clima.

Comments

comments