Atenas, GRECIA- Minister di Finansa di Eurozone a bisa di bay di acuerdo cu Grecia pa un acuerdo basico pa asina desblokia un pago di rescate atrasa.
Grecia ta den su di tres fase di e programa di rescate di Eurozona, cu un balor di 86 biyon Euro.
E programa a haya su mes cu diferente retrasonan na momento cu e financiadonan ta monitorea e conformidad cu condicionnan di pago.
Oficialnan tecnico ta spera di regresa Atenas pronto pa completa e negociacionnan. E acuerdo, en principio, manea e comisionado Europeo di Asuntonan Economico, Pierre Moscovici a yam’e, a wordo seya den un reunion na Malta.
E elementonan prinicpal den e ultimo acuerdo ta di comete nan mes na reduci gastonan riba pension desde 2019 y pa cobra mas inkomstenbelasting desde 2020 door di e baha e barera di liber di impuesto. Hunto e dos medidanan aki lo mester mehora e finansas di gobierno Griego na un ekivalente di 2% di e GDP.
Pa suavisa e situacion impopular na Grecia, e otro paisnan di e Eurozona a acorda cu Atenas lo tuma otro medidanan pa stimula e economia, si e gobierno su finansas mehora miho di loke ta spera.
E siguiente paso ta pa expertonan tecnico for di tres institucion Europea y IMF regresa Atenas pa purba na renegocia e ultimo detayenan cu falta.
Minister Hulandes di Finanzas, Jeroen Dijsselbloem, cu ta presidi reunionnan di e ministernan di Eurozona a haci un ultimo yamado pa yega na un acuerdo mas pronto posibel.
Esaki ta necesario prome cu por tuma un decision politico pa haci e pago atrasa. Unabes cu tin un acuerdo na nivel di directiva, Dijsselbloem a bisa cu e grupo di Minister di Eurozone lo kier tira un bista riba e metanan cu Grecia lo mester yega pa asina bin na remarca pa e ultimo pago, cual lo mester sosode na 2018.
Fondo Monetario Internacional a bisa cu Grecia mester di mas ayudo pa asina aliva su debe. Esey ta e motibo di e resistencia di IMF pa contribui financieramente na e di tres desblokeo.
E resto di e Eurozona, specialmente Alemania lo kier pa IMF tambe contribui financieramente. No necesariamente pa baha e contribucion di IMF pero tambe pa un miho credibilidad si IMF tambe pone placa pa yuda Grecia.
Fuente: www.wn.com