Riba dia 1 di December, T.H. Palm & Company a tene su di 13 evento anual di Girls’ Night Out. E evento festivo ta sirbi como un chens pa e conocido pacus na Palm Beach gradici su clientenan local den un manera special pa nan negoshi durante e aña.
Entre e oranan di 7 y 10:30 pm, e pacus bunita apunta tabata completamente yena cu T.H. Palm & Company su damanan faborito, kendenan a disfruta di un anochi di diberticion, harimento y combersacion, combina cu coi bebe, pasapalo delicioso y compras. E empleadonan atento di T.H. Palm & Company, conoci pa nan actitud anima y dibertido, a bisti orea di bestia durante e anochi, mientras cu nan a percura pa tur e invitadonan tabata bon cuida. Frank Kelly a tene tur hende feliz cu su cocktails fresco traha di cherry tomati y flor, mientras cu chef local Bas Kuurstra a impresiona tur hende cu delicioso sliders, kopi di ceviche, palo di galiña teriyaki, cabaron lora den bacon y otro pasapalo sabroso.
Ta altamente impresionante pa un tienda por ta riba su di 13 iteracion di gradici clientenan den un manera asina unico. Steffanie Mundle, gerente di e tienda ruman, The Juggling Fish, a comenta, “Esaki ta mi di 7 aña cu e compania, y mi ta asina orguyoso pa ta parti di e evento special aki tur December. Pa mi, Girls’ Night Out ta trata di union. Esaki ta e manera perfecto pa tur e bunita damanan aki por cuminsa e temporada di fiesta.”
E evento tambe ta duna T.H. Palm & Company e oportunidad pa recorda clientenan cu via nan compras, nan ta hunga un rol den su programa di Tikkun Olam (Reparacion di Mundo), cual awo ta den su di 9 aña. Via e programa aki, e pacus ta dedica un porcentahe di cada compra na un instancia caritativo local scogi pa esun haciendo compras, for di un menu cu nan ta ricibi na momento cu nan paga pa nan compras. “Cada biaha cu bo scoge pa cumpra cerca nos, bo ta yuda den e ciclo di dunamento,” propietario Jodi Tobman a splica.
Papiando di regalo, e emporio ta yena cu su coleccionnan mas nobo pa e temporada di fiesta, incluyendo paña di e ultimo moda, pa tanto hende homber como hende muhe, joyas estilo di boho, un bunita seleccion di buki, un liña nobo di dream catchers, borchinan inspiracional y un variedad impresionante di regalo unico.
Manera semper, tur invitado a ricibi un regalo chikito na final di e anochi, cual e aña aki tabata un serbete di playa, sirbiendo como un recuerdo cu nos tur mester di mas tempo pa relaha – mas tempo na playa, mas tempo na piscina, mas tempo separa di nos aparatonan electronico y mas tempo pasa hunto, ademas di mas tempo pa sigui nos soñonan.
Jodi y e famia di T.H. Palm & Company ta extende nan palabranan di gradicimento di mas caluroso na tur e invitadonan, no solamente pa nan presencia pero tambe pa e hecho cu nan a haci T.H. Palm & Company un di nan pacusnan faborito riba e isla.
T.H. Palm & Company ta habri tur dia di aña, incluyendo riba Pasco.