E aña aki un biaha mas, companianan di seguro ta uni pa asina nan forma parti di e e Insurance All Stars Tournament 2018.
Den e torneo aki companianan di seguro manera Boogaard Assurantiën N.V., Citizens Insurances, Ennia, Guardian Group Aruba, Nagico y New India Assurance lo enfrenta otro ariba veld durante diferente wega nan amistoso.
E weganan aki lo tuma luga diasabra 20 di october cuminsando for di 10 or di mainta te cu 8 or di anochi na veld di Flatstone. E final di e torneo lo ta diadomingo 21 di october, caminda cu e weganan final lo cuminsa pa 10 or di mainta y lo termina pa 6 or di atardi.
Animacion musical lo ta den man di Zeta Band cu lo t’ey pa entretene tur e fanaticada presente, pa asina los e pianan poco. Bar y cushina lo ta bon surti.
New India Assurance lo ta batayando pa retene su titulo campeonil. Training intensivo ta tumando luga caba di parti di tur e companianan pa asina trece un bataya duro contra di nan respectivo contricantenan, cu e unico meta di kita e titulo for di New India Assurance.
Tur amante di bon softball ta wordo cordialmente invita pa bin presencia e weganan ariba e dos dianan aki, diasabra 20 y diadomingo 21 di october . Bin disfruta di un weekend yena di accion y tambe entretenimento.
