Den fin di siman Grand Master Chaco Jose Cornelio a bishita e scol di Taekwondo di Jose Hernandez na Venezuela y a duna clinica di Taekwondo na e atletanan di Jose Hernandez. Esaki a trece cune cu e media di Venezuela a haya sa cu tabata tin un referee Olimpico den nan Estado Falcon y cu e tabata dunando les. Asina nan a busca drechi pa asina entrevista y combersa cu Grand Master Chaco Jose Cornelio tocante di su bishita na e scol di Taekwondo di Jose Hernandez.
Grand Master Chaco Jose Cornelio a biaha pa Venezuela pa asina duna un man na e scol di Jose Hernandez kende sa bishita Aruba pa camp training y competencia. Jose Hernandez tin 18 aña caba ta bin Aruba pa Taekwondo y por bisa cu e tin un bon relacion cu Aruba su Taekwondo y esaki a bin ta crece cada aña. Awor cu e bishita di Grand Master Chaco Jose Cornelio e no lo termina akinan. Grand Master Chaco Jose Cornelio a sigura cu e lo sigui bishita e scol di Jose Hernandez den futuro.