Siman pasa Grand Master Chaco Cornelio a biaha pa Muju, Korea pa participa como referee internacional na e campeonato mundial. E siman aki e atletanan di Brazil Taekwondo Stichting cu a biaha pa Korea pa participa na e Korea Open y nan a asisti na e campeonato mundial y tabata testigo di con Grand Master Chaco Cornelio ta para referee den veld na e campeonato mundial aki na Muju, Korea.
Den e orario di pauze, e atletanan di Brazil Taekwondo Stichting a cana bay na e museo di Taekwondo y nan a mira e portret di Grand Master Chaco Cornelio den e museo. E atletanan di Brazil Taekwondo Stichting tabata masha contento di por a mira esaki personalmente y nan a haci Grand Master Chaco Cornelio varios pregunta.