Manic Monday Talent Show 2016 ta yega su final cu un culminacion excitante dia 19 di December pa 8pm na Cas di Cultura den esfera dushi di Pasco. E cuater pre-finalnan di Augustus te cu November, a produci 10 talento nobo riba e plataforma artistico di Aruba. Nan ta Natusha Croes cu su propio poemanan impactante, Jenelee Gamarra cu su voz fini, Udermi Polanco ‘the beatbox man’, Chenny Karsowidjojo gusta popularmente, Tyrone Chirino e miho bailador di Dubstep na Aruba, Mercedez como cantante sensual y energetica, Colegio CVK-Drama Club cu ta nos actornan creativo di futuro, Gilia Croes un talento hoben di canto di opera. Sin lubida nos talentonan di Wild Card cu a wordo scogi como MC’s choice pa bin bek e finale cu ta Jeremy Lanooij cu su voz bunita tocando piano y Festus Barguez multi-talento di instrumentonan manera cuarta y acordeon.
Nos gratitud ta grandi pa MC-nan Juelle Thodé, Indroh Kelkboom y Leonardo Philips, huradonan Edjean Semeleer, Joan Danies, Carlos Tapias y tur hurado invita. Tambe tur Tea Time guests esta Ataniro, Michael Lampe, Rocco Flava, Sasha Figueroa, Pica Girls Jacqueline Suttle y Rona Coster. Nos tin un Tea Time guest pa December super special cu ta haci e show un extra ‘must see’!
Ta gradici e partinan tecnico tambe, Telearuba cu teamnan di Leo Maduro y Trevor Rosel. Ricardo Ridderstaat, Robert Tromp y Across the Waves Digital, Dyvents Aruba y Cas di Cultura su team tecnico, voluntarionan y di produccion di cual Esmeralda Kelly a encarga cu e show.
Cas di Cultura como plataforma di talento local ta hopi orguyoso di e show aki y ta gradici e siguiente sponsornan cu a haci’e posibel: UNOCA, Ford obtenibel na Yrausquin, Setar N.V., Waka Waka Restaurant, Arizona Iced Tea obtenibel na Frasa Trading, DOC Opleidingen en Trainingen, KOK Optica y Local Store.
Por ultimo ta invita tur publico di Aruba pa bin wak e ultimo edicion aki y wak cua talento ta bay cu premio mayor di Afls. 2000,-! Aruba si tin talento, pues bin presencia esaki dia 19 di December pa 8pm na Cas di Cultura. Pa mas informacion mira nos Facebook page of yama 582-1010.