Weekend tras di lomba a cuminsa cu Futsal Copa Rapid. Un total di 11 team a sa di inscribi y asina competi pa por gana e copa di e prome torneo di Futsal organisa pa Centro di Bario Savaneta. Un actividad deportivo y recreativo unda un y tur por gosa di e deporte aki.
Manera menciona den weekend a tuma luga e prome y di dos tanda pa asina wak cual team lo avansa pa final. Tur team a sa di duna 100% y e partidonan tabata tremendo. E teamnan cu a avansa pa e anochi final ta: Superfood, FC Joga, La Combinacion, La Fama Boys, El Combo y Sons of Anarchy. Nos ta invita un y tur pa asina duna aporte na esnan cu ta participa y gosa di tremendo partidonan di futsal.
Fecha pa e gran final aki ta diabierna 28 di October y partidonan ta cuminsa 7 or pm. No lubida cu e bar y cushina lo ta hopi bon surti.
Directiva kier a duna un palabra di danki na tur participante, tur bishitante como tambe tur boluntario cu a duna un man pa e evento aki.
Centro di Bario lo ta habri y un y tur por hasi uso di e facilidadnan cu nos ta ofrece entre otro futbol di mesa, billiard y tennis di mesa.
Pa mas informacion por jama libremente na 568-8052 of manda un mail pa [email protected]. Like e facebook-page di Centro di Bario Savaneta pa keda informa di e diferente actividadnan cu Centro di Bario Savaneta ta ofrece na henter comunidad en particular esnan di Savaneta.