MOSCU, Russia- E corant Ruso Gazeta dialuna a publica e nomber di e 27 hobennan a wordo aresta na Chechenia, sin motibo algun. Y sin cu nunca tabata tin un acusacion contra di nan, nan a wordo asesina ariba e anochi di 25 pa 26 di Januari, den prizon. E corant, cu ta un critico di Kremlin, a cita fuentenan policial.
Segun e corant, nan unico delito tabata di tabata homosexual. E corant a scirbi ya varios biaha caba tocante e aresto y maltrato di homosexualnan na Chechenia. Un vocero di gobierno na Groznv a yega di declara cu na Chechenia, no tin ningun homosexual. Y si tin mes, nan ta wordo mata door di nan mesun famia.
Vocero di Kremlin, Dmitri Peskov a bisa di a tuma nota di e ultimo noticianan. E no kier a duna comentario, ya cu e fuentanan tabata anonimo. E comisionado Ruso pa derechonan humano Tatjana Moskalkova a bisa di a informa cerca e autoridadnan ariba kende e personanan aki tabata ta, awo cu nan nomber ta conoci. Segun Novaja, autoridadnan no tin pura cu e investigacion.
Fuente: www.anp.nl