WILLEMSTAD, Kòrsou (28 di sèptèmber 2023) – Awe mainta den kuadro di e investigashon ku ta karga e nòmber ‘PISTACHO’ Divishon di Krimen Organisá di Kuerpo di Polis Kòrsou a detené un hende homber, yu di Kòrsou di inisial I.HGP di 27 aña di edat den area di Otrabanda den posishon di un gran kantidat di kokaina.
Sigiendo ku e investigashon a tene un redada hudisial na un adrès den e bario di Montaña. Einan a konfiská diferente artíkulo di importansia pa e investigashon.
Kontinuando ku e investigashon a detené un homber yu di Kòrsou di insial V.L di 29 aña di edat na un kas na Moontjeweg pa posishon di arma di kandela i tambe posishon di droga. Seguidamente a tene un redada na kas di e sopechoso i a konfiská diferente artíkulo di importansia pa e investigashon.
Tus dos sospechoso a keda presentá dilanti di un fiskal auksiliar ku a ordená nan enkarselashon
- Latest
