Recientemente a tuma luga e apertura di “Museum of Industry” na San Nicolas (watertoren). Un satisfaccion sumamente grandi pa mira un vision y mision cu a nace na momento cu a dicidi pa cuminsa cu un restauracion na 2009/2010. Segun Minister Otmar Oduber 4 aña pasa a pone e base y plataforma tur rond di Aruba. 2012/2013 a tuma e decision a base di estudionan cu a wordo haci, di e importancia cu cultura tin pa bo turismo. Mi a bis’e hopi biaha, cu hopi aña cultura a yora pa atencion. Awo nos ta yora cultura pa atencion pa sostene e pilar economico di Pais Aruba y nos turismo, Minister Oduber a bisa.
E apertura di e prome museo na San Nicolas, e museo industrial cu naturlemente lo sigui dentro di poco cu e di dos museo cual ta Nicolas Store. Esaki lo ta e cas pa e di dos museo aki na San Nicolas. “Ta yena nos cu orguyo cu ora cu a dicidi cu kier haci San Nicolas e prueba cu por haci un ciudad industrial unda cu poco hende ta kere cu bo por haci desaroyo economico di dje. Awo ta bay mustra cu por crea un industria cultural unda cu e cultura y herencia lo wordo transmiti pa nos propio hendenan pa nos recorda di unda nos ta bin, pero tambe pa e impacto den e economia di pais Aruba y area di San Nicolas. Un Cultural Heritage City, un atraccion nobo pa pais Aruba. “Awenochi mi kier recorda trabounan grandi cu partnernan cu a sinta hunto cu ne y a mustra e direccion cu kier bay, preparando pa loke San Nicolas mester bira.” E mandatario a gradici tur coleganan y prome minister pa e vision. “Monumentenfonds, munomentenbureau y partners manera ATA, TPF y diferente NV, Elmar, WEB y Setar y sin laga afo APA cu cierto momento a bisa di lo sostene e museonan aki. Inversion cu a wordo haci ta uno pa tin nada mas cu e miho aki na San Nicolas”, Minister Otmar Oduber a termina.