Minister Dangui Oduber a duna di conoce cu despues di basta siman di preparacion y prepara na e miho forma posibel pa tuma tur medida cu lo limita e risico di importacion di casonan nobo na Aruba y no ta un decision facil y tur dia tabata debati kico ta e medidanan di prevencion cu como pais por tuma pa di e forma aki prepara nos mes miho posibel y a haya consehonan di Hulanda, y nos expertonan local. Nos lo habri e frontera bek y ta un risico calcula y lo tuma basa riba e data y cantidad di turistanan cu nos lo bay haya den e prome siman y nos ta sinti nos mes confortabel cu e decision aki y nos a prepara nos mes debidamente, nos tin hopi mas experencia di covid cu nos tabata tin anterior prome cu el a bati na nos porta y awor sa con e ta transmiti su mes den comunidad y ta comporta y nos ta maneha e transmision y controla e risico y awe den nos comunidad despues di 45 dia no tin caso positivo na Aruba y ta sumamente positivo den e ultimo luna y nos a amplia e capacidad di cuido y a amplia capacidad di cuido intensivo y tambe a busca mas personal pa yuda na hospital y e ventilacion si den caso mester. Tur sector y cada comerciante ta responsabel y responsabilidad di cada ciudadano pa sigui e protocol pasobra esaki ta e unico forma di biba cu COVID cu no ta bay desparece, gradualmente nos lo bay habri e fronteranan bek y e fechanan tentativo.
Condicion y rekesito
E mandatario Dangui Odiber a menciona cu Aruba a pone puntonan di rekisito y condicion pa turista cu kier biaha pa bin Aruba. Lo bay tin un proceso di pre-screening y lo indica y mandatorio cu tur turista mester yena 72 ora prome cu nan board avion pa bin Aruba y lo mester yena un formulario di salud y ta exigi pa e turista bisti mask durante e vuelo pa Aruba. Lo encurasaha e turistanan pa haci un test prime cu nan subi avion y load e informacion di e resultado aki y esunnan cu haci esaki no lo ta obliga di haci e test na Aruba. Ta obligatorio cu tur turista mester cera e seguro di Covid y eventualmente lo cubri gastonan di acomodacion si nan mester bay den isolacion y cuarentena.