Jurette Croes di Salubridad Publico a duna di conoce den conferencia di prensa cu dentro di poco e seccion di cuido salud hubenil ta bay cuminsa cu e campaña di vacunacion escolar y ta un campaña cu ta cuminsa na comienso di aña escolar. Sra Jurette a bisa cu e departamento di cuido salud hubenil tin un database di tur mucha cu ta na Aruba y tur mucha cu a haya caba ta registra y tur mucha cu no a haya vacunacion na Aruba ta pidi pa trece e certificado di vacunacion di exterior pa asina sa si e mucha ta bon vacuna. E grupo di mas grandi cu ta bay keda vacuna ta muchanan di 5e klas cu ta un booster un vacunacion di 10 aña DTP y e mucha muhenan den 6e klas ta haya nan vacunacion HPV. Na Aruba nos no tin un sistema ainda di vacunacion obligatorio y tur mucha cu falta vacuna segun e programa di vacunacion di Aruba lo haya un carta pa nan mayor y mayor lo tin cu duna autorisacion na departamento di cuido salud hubenil pa vacuna e mucha na scol. Sra Croes a bisa na momento cu e mucha ta completamente vacuna pa su edad e ta haya e prueba di vacunacion pa e por hiba cas pa mayor por warda esaki. E grado di porcentahe di vacunacion na Aruba na e momentonan aki ta 95 % e ta uno halto y hopi bon cu nos ta protehe e comunidad y e muchanan y contra e malesanan cu tin cu ta hopi activo