Willemstad Curacao: Gobièrnu di Kòrsou resientemente a risibí Miss Kòrsou Akisha Albert i durante un enkuentro ameno a gradisié pa su tremendo prestashon i kontribushon balioso den representá Kòrsou durante e sertamen di Miss Universo 2018, ku a tuma lugá 16 di desèmber último na Tailandia.
Gobièrnu di Kòrsou den forma konkreto a ekspresá su gratitut pa medio di un beka, pa asina Akisha por kubri resto di su estudio. Di e forma aki Gobièrnu di Kòrsou ke sigui kontribuí na formashon éksitoso di hóbennan ku tin e potenshal i deseo di saka kara di Kòrsou tantu riba nivel lokal komo internashonal.
Na nòmber di pueblo di Kòrsou, masha masha danki Akisha!