BOGOTA, Colombia – E Gobierno Colombiano y lidernan di “NO” lo revisa diahuebs e documentonan final di e propuestanan cu mester wordo introduci na e acuerdo nobo cu lo negosha cu FARC, na Havana, despues cu e iniciativa a wordo derota den e referendum di dia 2 di October, fuentenan oficial a informa diaranson.
“Nos t trahando den un tipo di matriz cu lo recoge tur e iniciativanan cu nos a scucha for di e distinto voceronan di “no” y nos kier haci esaki cu un cuidado extraordinario,” e hefe negociador di e Gobierno Colombiano, Humberto de la Calle a bisa periodistanan.
Despues di e derota den e referendum, Gobierno Colombiano a reuni cu e Uribismo y otro sectornan di “no” pa discuti y logra consensonan en torno na e cambionan cu tin cu wordo haci na e pacto nobo cu ta wordo negosha cu FARC na Cuba.
De La Calle a bisa cu e “matris” lo wordo revisa diahuebs pa “e propio voceronan di “no” pa tin claridad cu esakinan “ta e ideanan cu a bin ta circula.”
Igualmente, el a señala cu e documento final lo wordo hiba pa e ekipo negociador, cu ta biaha pa Havana diahuebs, “cu e animo di recomensa e discusion cu FARC y trata di produci e acuerdo nobo aki cu ta genuinamente nobo, cu tin cambio, cu ta permiti agrupa mas e Colombianonan.”
Fuente: NTN24