CARACAS, Venezuela- Mei mei di un politica di represion di e poblacion, gobierno Venezolano a extende su control di huizoeking ilegal di zonanan residencial pa forsanna di siguridad, según Amnistia Internacional (AI).
“Ta trata di un mecanismo mas di represion, un mecanismo cu ta hibando e represion ariba caya na e vida priva y e espacio priva di personanan, cu ta genera un situaicon di teror”, según Erika Erika Guevara-Rosas, directora AI pa continente Americano, a declara na EFE.
Guevara a splica den cu e invalnan ilegal, mayoria di nan ta den cuadro di e protestanan masivo di oposicion di April pa Juli cu a laga mas di 120 persona morto, y ta haci e “violacion na e derechonan humano” den e pais aki, mas pio y ta viola “standardnan internacional”.
Pa elabora un informe di esaki, un grupo di experto di e NGO a biaha pa cuater ciudad Venezolano, Miranda, Carabobo y Lara, ademas pa Distrito Capital cu ta conta cu un cantidad grandi di invalnan y a recoge tambe datonan di entidadnan civil local.
Algun di e invalnan a bin “hopi hora despues” y den algun di nan, e propio constitucion Venezolano ta wordo viola, caminda ta cu ley ta prescribi cu mester un orden hudicial pa registronan domiciliario.
Den varios di e invalnan aki, esaki tabata wordo haci pa gruponan civil arma cu ta “opera paralelamente y di algun manera, cu e apoyo di autoridadnan”, Guevar- Rosas a splica.
Ta pa e motibo ey, cu Amnistia Internacional ta considera “incuestionabel” cu Venezuela, bou gobierno di Nicolas Maduro, ta sufri di un “crisis inconstitucional”.
Fuente: https://www.efe.com/efe/america/