CARACAS, Venezuela – Gobierno Venezolano diaranson a informa cu el a declara e embahador di Alemania, Daniel Kriener como persona ‘non grata’. Esaki ta door di su injerencia den asuntonan interno di e pais.
A traves di un tweet, e canciyer Venezolano, Jorge Arreaza, a comparti e texto di e comunicado, publica riba e portal di Ministerio de Relacionnan Exterior di Venezuela.
Den e texto ta splica cu Caracas ta “considera inaceptabel” cu’n funcionario diplomatico “ta eherce un rol publico mas di un dirigente politico den un alineacion claro cu e agenda di conspiracion di sectornan extremista”.