CARACAS, Venezuela – E vuelo number 2100 cu destino Lima, nunca a yega aeropuerto Jorge Chavez di Peru, ya cu forsanan di siguridad di gobierno Venezolano a strobe su salida y a evita cu 130 mucha a bay reencontra cu nan mayornan cu tabata wardando ariba nan.
E excusa duna pa polis politico Venezolano, Sebin, tabata e supuesto iregularidad den 4 permiso di biahe. Sin embargo, na luga di impede e biahe di e 4 muchanan aki, arbitrariamente y pasando ariba tur ley Venezolano, nan a dicidi di aborta e vuelo priva cu a wordo paga door di e Organisacion No Gubernamental (ONG), Union Venezolano na Peru, pa medio di e programa #UnaLuzDeEsperanza.
E muchanan, cu tabata sperando ansiosamente pa e dia yega pa nan bolbe wak nan mayornan, a keda cu maleta den man y nan paspoort anula, sin e posibilidad di wak nan mayornan. Incluso, sin por ricibi e atencion medico cu nan mester, ya cu algun di nan ta malo y otronan tin Down Sindrome of ta sufri di autismo.
Fuente: https://www.lapatilla.com