LONDON, Gran Bretaña- E compania encarga cu e sistema di voto den e eleccion di Asamblea Nacional Constituyente de Venezuela, Smartmaric, diaranson a denuncia cu autoridadnan Venezolano a manipula cifranan di por lo menos un miyon di voto. Esaki ta pone den duda e 8 miyon di ciudadano cu segun gobierno Venezolano a vota pa e Constituyente.
Antonio Múgica, consehero delegado di Smartmatic, compania cu a instala 24 mil mashin di voto den e pais Latinoamericano, a afirma den un conferencia di prensa na London cu e cifranan divulga dialuna ta sobrestima e cantidad di ciudadanonan cu a acudi na e urnanan electoral.
Documentonan di CNE, na cual Reuters tabata tin acceso, ta dividi e datonan entre e 14.515 centronan di votación na Venezuela, ta mustra cu 3.720.465 persona a vota te cu 5 or y 30 di atardi.
E participacion abao ta muestra di rechaso contra di Maduro, specialmente despues di cu oposicion a celebra dos siman prome un eleccion no oficial den cual el afirma cu el a haya mas di 7 miyon di voto contra di e Constituyente, cu ta keda un tema polemico na Venezuela.
Fuente: https://www.efe.com/efe/america/