Sr. Hubert Dirks, lider di sindicato Federacion di Trahadonan di Aruba (FTA) a expresa di manera frontal cu responsabilidad pa baha e gastonan lo cay riba gobierno y cu lo ta nan responsabilidad pa trece na Aruba un miho calidad di bida.
Si tin un aparato gubernamental ineficiente, tin cu baha gasto. Pero si tin un sistema di belasting cu mester wordo reforma, bo tin cu reform’e. Si bo tin cu crea empleo, mester wak unda ta posibel y haci esey.
Cera frontera, cual ta sera awo. Tin oportunidad pa drecha loke tin aworaki pero e ora mester controla pa loke ta trata di ilegalidad, cu lo mester wordo combati. Y drecha loke tin awor aki y pone hende local na trabou, tur e aspectonan aki a presenta pa por baha e gastonan cu tin na Aruba.
Combati ilegalidad, pone nos hendenan na trabao. Si bin medida chikito of grandi, aunke ta sprea cu e ta chikito y ariba termino largo, y cu nos por carg’e. Gobierno no mester hinca mas belasting, cu awor aki lo tin tur e belastingnan, AZV y tambe BBO unda cu aparato gubernamental ta depende di dje y FTA ta consciente di esaki. Pero tin instancianan manera AZV, ATA y e ultimo aki mester sigui draai, turismo mester sigui draai. Mester mantene turismo di calidad. Y si tin situacion di gastonan medico ta sigui bay halto, cu e gasto mas halto ta hospital. E ta den situacion dificil, e ora kico ta bay haci.
E ta bira un situacion dificil unda cu gobierno mester sinta cu gremionan pa yega na un acuerdo. Pa finalisa Sr. Sr. Hubert Dirks di FTA a haci enfasis riba e famianan Arubiano cu ta sufri di tur esaki y cu sector social no por wordo afecta mas, y e poder di compra mester keda y pone cada hende acepta nan responsabilidad.