CARACAS, Venezuela- E vice presidente Economico, Tareck El Aissami, a anuncia cu e medida lo wordo extendi pa seis luna
Esaki a wordo informa den un conferencia di prensa unda cu el a informa cu 21 matadero publico y priva lo wordo ocupa durante 6 luna, door di gobierno.
El Aissami a splica cu, despues di a tene combersacionnan cu e sectornan agroindustrial y empresarial di a yega na un acuerdo di prijs na augustus ultimo, e sector a cuminsa un ‘boicot pa manda carni pa otro sectornan”. Nan a viola e politica implementa”, El Aissami a agrega.
El Aissami a sigui bisa cu algun doño di e slachthuisnan aki tabata realisa actividadnan iregular, manera contrabando, pa “perhudica e pueblo” strobando e acceso na productonan na e prijs acorda.
Tambe el a recorda cu e resolucion a wordo tuma door di gobierno, despues di a tene al menos cinco reunion directo cu productornan di carni pa yega na un acuerdo pa e prijs di carni. “Esaki ta e sector cu mas problema”.