E ultimo reunion di Minister di Finanza hunto cu Camara di Comercio cu a resulta bon unda cu entre otro a palabra di e situacion financiero, e parti economico. Un di e puntonan ta e reforma fiscal, cual a bira tempo pa Aruba haya un reforma fiscal. Minister di Finanza Xiomara Maduro ta amplia.
Desicionnan riba esaki no a concretisa cu gobierno anterior, y gobierno sa cu esaki mester a bin. Pa esaki a busca experticio di IMF ken a brinda ayudo riba e parti legal pa wak kico Aruba por atende cun’e
E deseo tabata pa bin cu un sistema nobo di e reforma dia prome di Januari pero e realidad ta cu gobierno tin solamente 6 luna y ta hopi forza pa logra esaki. Toch nan ta keda haci todo lo posibel a habilita esaki hunto KvK cu tambe a trece ideanan pa por cambia cosnan den e sistema di belasting pa haci mas facil pa por haci negoshi.
Banda di e reforma tambe Minister a trece algun proyecto riba parti economico. Esaki ta pa yuda companianan mediano y chikito pa nan por saca cabes unda cu e 93% di nos economia ta e companianan chikito y mediano cerca nan.
P’esey tambe den lo cual ta bira fin di Juni hopi cos ta bay pasa den e parti economico, anto pa facilita ta trahando tambe riba e E – Investment Portal, unda cu negociante por regla tur e documentacion y permisonan. Pa haci e proceso mas facil tin un facilitador cu ta bini pa pone riba papel kico ta e parti fuerte di Aruba y e inversionnan cu por haci pa haci un matching mas miho
Na fin di Mei tur e stake holdernan ta invita pa bini hunto y den e caso aki SNBA , ATIA, KVK y tur esunnan concerni riba e parti economico na Aruba. Lo bin cu’n economic policy, cual ta basa ariba e maneho cu ta bay hiba. Lo bin cu’n vision pa tur hende por traha cun’e.
Manera cu dianan pasa ta bin cu informacion mas concreto unda cu na Juni tambe ta bay tin un Economic Summit. Aki lo papia di e parti innovativo y asina ta bin cu un cantidad di actividadnan pa bay dilanti hunto cu e stake holders.
Pa ultimo reforma fiscal ta bin pero lo tuma tempo pasobra cu e reforma fiscal ta algo grandi unda mester elimina cierto leynan anto bin cu leynan nobo. Despues di esaki, BBO no ta bay existi mas tampoco.
Esaki ta bay bira full un sistema grandi y p’esey gobierno ta pidi asistencia internacional riba esaki tambe, siendo cu ta un ehercicio basta grandi. Esaki ta decisionnan cu mester wordo tuma pa nos pais y e ta necesario, segun Minister di Finanzas, Sra. Xiomara Maduro.