Gobierno ta kita medida di remedinan

Den un discurso nacional Prome Minister Evelyn Wever Croes no solamente a repasa maneho di gobierno den e crisis, pero tambe decision tuma recientemente cu a causa hopi preocupacion y critica for di e pueblo.

Ta papia aki di medida pa stop cobertura di cierto remedinan p’asina cumpli na baha gastonan di AZV cu 5 miyon mensualmente. For di momento cu a tuma e decision aki entrante prome di april, a realisa cu e no ta un joke pero realidad.

Principalmente pensionadonan a sinti e efecto aki, mas ainda mirando cu pueblo ta pasa den situacion di stress, causando depresion y insomnio. Awe e mandatario a bisa cu nan no ta di acuerdo cu e condicion di Hulanda, A instala un comision pa studia e miho alternativa. Awe ainda no ta yega na 5 miyon tur luna. Pero Hulanda ta insisti cu mester cumpli cu e cinco miyon. Ta sperando e consehonan nobo.

Pa loke ta e remedinan cu no ta cubri mas, awe Conseho di Minister a hala atras e decision aki. E no tabata suficientemente prepara y tabatin su impacto negativo principalmente e pensionadonan, e mandatario a bisa. Entrante prome di mei e situacion ta bay bek na manera cu e tabata prome cu 1 di april, sperando di un miho maneho riba esaki.

 

 

Comments

comments