Algo cu a lanta hopi atencion den fin di siman, ta e hecho cu turistanan ta drenta cu nan UTVnan den lama. Esaki ta di dos biaha cu e situacion aki ta origina. Pa cu esaki, a puntra e mandatario encarga cu turismo, Sr. Dangui Oduber, kico gobierno tin pensa di haci cu esaki, ap e tipo di sucesonan asina no tuma luga mas.
Maneho di turismo ta dirigi ariba un turismo sostenibel. Mester cuida nos flora y fauna, nos beachnan cu ta nos asset di mas grandi y loke e turistanan aki ta haciendo, no ta conta cu aprobacion di e mandatario. E ta algo cu ta indigna comunidad, ora ta weita comportacion nos naturalesa, nos medio ambiente. Y esunnan cu ta huur e vehiculonan aki, ta esunnan cu ta keda responsabel, ya cu nan mester duna e turistanan e informacion corecto di unda cu por core e vehiculonan aki. Kico ta wordo tolera, kico por y kico no por. Loke nan a haci ta inaceptabel.
E mandatario a sigui bisa cu nan tabata tin un combersacion entre e ministernan di Husticia y Transporte, pa asina bay afina nos leynan. SI mester cambia ley, lo haci esaki. Hopi di e companianan di huur ta huur e vehiculonan cu personanan particular y no ta suministra e informacion necesario di kico por y di kico no por.
Den e caso aki lo bay atende cu tur esunnan cu tin un peticion , cu ta verhuur e UTV/ATV, lo bay cambia e maneho y lo bay exigi di cada un di e companianan di huur aki pa bin cu’n tourguide obligatorio. E minister di Transporte ta evaluando pa retira e permiso di operacion di e compania di huur aki, ya cu nan ta esun cu tin e permiso pa huur e tipo di vehiculonan, cu no ta cumpli cu e rekisitonan pa duna tur informacion necesario na e turistanan. TE asina leu, e mandatario encarga cu Turismo, Sr. Dangui Oduber.