KAAPSTAD, Surafrica- E alcalde di Ekurhuleni a purba trankilisa e propietarionan: “No ta nos intencion di tuma e terenonan via forsa, sino di sigura nos mes di cu esaki ta wordo comparti bou di esunnan cu mester di dje”.
Autoridadnan local di Ekurhuleni (Surafrica) a cuminsa un “expropiacion di tera sin compensacion”den cual lo ta e prome aplicacion di e controversial reforma agrario di e pais, segun Associated Press a indica.
Luna pasa, e conseho di e ciudada vota na fabor di sigui cu e proyecto di reforma impulsa na comienso di e aña aki pa e partido gobernante di Surafrica, African National Congress (ANC), door di e crisis di vivienda genera pa e escasez di tereno disponibel pa construi casnan nobo. E 15% di e habitantenan di Ekurhuleni ta haya nan obliga di biba den “asentamentonan informal”.
E ciudad tin pensa di expropia casi 350 hectarea di tereno, tanto priva como gubernamental cu e obhetivo di desaroyanan y crea areanan nobo di vivienda pa personanan cu ta biba den condicionnan di vivienda “horibel pa un ser humano”. Sin embargo, e alcalde, Mzwandile Masina, no a specifica cua ta propietarionan cu lo wordo afecta door di e medida aki.
Segun e president di e republica di Surafrica, Cyril Ramaphosa, mas di 77 % di e finca y propiedadnan agricola ta pertenece na ciudadanonan blanco, mientras cu solamente 4 % ta di doñonan color skur. E reforma controversial agrario aproba pa e ANC ta dirigi pa “acelera e redistribucion” di territorio na “Surafricanonan di color skur”. Asina lo drecha e ‘inhusticia’ historico hereda di e regimen di ‘apartheid’.
Masina, di su banda, a sigura na AP, cu e doñonan di tereno no mester tin “miedo”.
“No ta nos intencion di tuma e tereno den beslag, sino sigura nos mes di cu e ta wordo comparti entre esunnan mester di dje”, el a agrega.