Gobierno ‘nobo’ falta vision pa cu e.o. Enseñansa.

0
RBC Juli 2018
Funmiles-2018

Recientemente Sra. Arends-Reyes a elabora extensamente ariba algun topiconan di importancia den e mundo di Enseñansa. ‘Ta importante pa e discusionan y proyectonan na bienestar di nos maestronan y alumnonan continua cu seriedad, nivel y cu madurez politico’. Esaki den cuadro di dia di maestro, cual por cierto na Aruba no a wordo celebra cu un dia of gesto organisa pa gobierno. Tambe den preparacion pa presupuesto 2019 pa purba wak updates tocante diferente tema. Un discusion cu tin algun aña caba ta e tema di aumento of ahuste di salario di maestronan’, Parlamentario di fraccion di AVP, Jennifer Reyes a mustra.

E ley aki di ‘functiehuis’ ta cla pa wordo yama den un reunion publico y tawata den e fase final di discusionan y preparacion pa e tratamento di e ley aki.
Tin diferente sindicato a forma parti pa formulacion di e ‘functiehuis’ pero aworaki no ta tende nada mucho di desaroyo tocante di e tema aki, Parlamentario Arends Reyes a trece dilanti. “Nos sa cu pa loke ta e maestronan tambe, costo di bida y gastonan a subi, e ‘taakverzwaring’ cu tin mester puntra gobierno y e minister, con a para cu tur e puntonan aki y ta importante pa minister tambe duna su aporte den e discusion aki.
Si nos wak e tema di autismo, tambe nos sa cu gabinete Mike Eman I y II, a laga diferente material, training, plan y proyectonan cla pa atende cu e parti di autismo y lo ta bon pa gobierno y e minister informa comunidad kico nan ta haciendo riba e punto importante aki.
Nos a tuma nota den medionan di comunicacion cu minister a habri e Arubalening pa personanan interesa cu tin e edad di 40 plus, full-time kendenan kier bay sigui e opleiding di maestro na IPA.
Hopi biaha den pasado nos a haya diferente bishita na Parlamento di personanan cu tabata sigui ya caba e opleiding na IPA, kendenan tin mas cu 40 aña hasta cu a haña e oportunidad pues esey tabata posibel caba.
Sinembargo e diferencia di un studiante cu na hopi ocasion ta biba na cas ainda, cu no tin yiu of no a crea un famia ainda, e por biba c’un Arubalening di mas o menos 1121 florin pa luna pero den e caso di un persona cu ya tin 40 aña, hopi biaha e tin famia, e tin yiu, e tin su gastonan, hypoteca, mi ta kere cu e suma di 1121 eynan, ta bira dificil pa un reto asina bira atractivo.
E ora lo ta na su luga pa brinda e persona un oportunidad mas facil pa e por tuma e decision di sigui c’un opleiding pa bira maestro.
Pues aki nos tin cu atrobe sigui e desaroyo aki di cerca, ya cu nos a wak bastante promocion rond di e re-apertura pa Arubalening 40 Plus y mi ta kere cu sigur tin interesado pero nos tin cu wak si lo bay tin un grupo grandi of no, ya cu den e caso aki e por bira un reto pa un persona di 40 aña, pa cubri su parti di gastonan cu 1121 florin pa luna,”Parlamentario Jennifer Reyes a mustra.

E miembro di fraccion di AVP tambe a trece dilanti e ley di crèche caminda gobierno a anuncia algun luna atras cu lo bin cu conceptonan of sigui cu e parti di implementacion pero no a tende nada mas.
Jennifer Arends- Reyes a sigui mustra cu a papia di entre otro ‘staatscreche’ pero locual tabatin concreto, ta cu e ley a pasa, e parti di mocion tambe a pasa pa deduci e contribucion di creche fiscalmente pero ta keda na gobierno pa wak kico ta bay haci pa mira si esaki ta cristalisa, cu e mayornan y tambe e dunado di trabou, cu tambe por contribui, si nan lo haya e reduccion fiscal pa esaki.

“Pa loke ta nos hubentud, e hobennan, nos por mira cu tin un grupo di nan ta envolvi den vandalismo y e parti di criminalidad y e cifranan di trabou caminda desempleo lo por 10% compara cu 7% cu e tabata na 2014 y e aumento aki sin duda ta fastioso y hopi preocupante.
Den caso di hobennan, nan tambe merece un oportunidad riba mercado laboral pero di otro banda por tuma nota cu tin hopi negoshi ta cerando of ta reduci nan operacionnan, cu ta sumanente fastioso caminda posibilidad pa hobennan haya trabou, tambe ta wordo limita e ora.
Pa loke ta e parti di criminalidad, tin un grupo di hoben ta forma parti di esaki pero den pasado tabatin varios proyecto manera entre otro e ‘Sociale vormings Traject’ cu tabata un proyecto sigur sumamente importante na cual hopi hoben a participa cu a pone cu awe e hobennan aki tin un perspectiva pa asina nan por traha y contribui na nan pais.
E ley di enseñansa obligatorio tambe ta di vital importancia pa bay pa e siguiente etapa, caminda nos ta haya cu mucha- y hobennan no ta bayendo scol manera debe ser, mester bai awor na e parti di implementacion mas rigoroso di e aspecto aki.
Tambe ta importante pa e asunto di ‘startkwalificatie’ caminda bo ta haya cu hobennan di 16 pa 18 aña, lo yuda nan pa yega na un cualificacion inicial,” Parlamentario Jennifer Arends Reyes a declara.
Tur e puntonan aki ta asuntonan cu tabata facil pa continua cu nan ehecucion pero no ta tende gobierno ni ministerio di enseñansa ta moviendo riba esakinan pero ta puntonan importante cu mester bay pone hopi atencion riba nan.

Comments

comments

C: Heineken
new india