CIUDAD DE MEXICO, Mexico – Ministerio di Relacionnan Exterior di Mexico a nenga diaranson e filtracion di e transcripcion di e dialogo telefonico cu a sostene e presidente Enrique Peña Nieto cu su homologo di Merca, Donald Trump, caminda cu supuestamente e prome mandatario Mericano ta menasa cu manda trupanan na e frontera cu Mexico si e ehercito Mexico no tuma accionnan pa detene “bad hombres” den e liña cu ta dividi ambos nacion.
Segun e canciyeria Mexicano, e informenan di prensa riba e supuesto transcripcion ta eroneo y no ta existi basenan cu por sostene.
Contrario na loke e prensa ta afirma, e canciyeria ta sigura cu e dialogo entre Peña Nieto y Trump a duna den un “tono constructivo” y a detaya cu ambos hefe di estado a acorda pa mantene comunicacion permanente pa “construi un acuerdo cu ta positivo pa Mexico y Merca.
Fuente: NTN24