Si gobierno ta bin cu plan balansa no necesariamente mester ta asina doloroso pa comunidad. E parti crucial ta pa gobierno, pa un paar di aña no por haci wega cu luhoso y mester asumi esaki pa cuminsa baha e gasto interno structuralmente. Sr. Ben Marapin Economista Specialisa di Marapin Consultancy ta splica.
No por bin cu medidanan pa baha 50 of 80 hende no ta garantiza cu ta reduci e gasto si tin otro aspectonan cu ta ocasiona e gasto. Of no por kita personal y bolbe tuma hende bek den servicio.
Esaki a wordo bisa na e ex Prome Minister, cu e miho manera pa no laga e gasto personal subi, pa no bin cu medida di saneamento. Ta gasta asina hopi placa pa kita hende di nan trabou boluntariamente y esey ta costa comunidad un dineral. Y despues politico ta dicidi cu tin espacio pa nombra compinche A of B.
Di e manera aki al fin y al cabo dentro di 4 aña e nivel di personal a subi bek na nivel bieu, prome cu a bin cu afweegregeling. E aumento di personal cu gobierno anterior tambe a keda den crecemento, cu a yega te cu mas di mil coordinador cu tabata un cifra increibel, segun Sr. Ben Marapin, di Marapin Consultancy.