WASHINGTON/HAVANA- E enfrentametnoann cu durante decadanan a mantene e gobiernonan di Merca y Cuba a intensifica diaranson, ora cu Washington a anuncia un serie di medidanan cu por afecta e economia di e pais severamente.
Den presentacion apart realisa pa e secretario di Merca, Mike Pompeo y pa e asesor di Siguridad Nacional, John Bolton, e gobierno di Donald Trump a revela e strategia cu cual e ta busca pa aumenta e presion ariba Havana. Siguientemente, e medidanan tuma door di Merca:
Limitacion den mandamento di placa
Bolton a anuncia e mandamento di placa pa Cuba desde Merca lo keda reduci na un suma di mil dollar pa persona y pa trimester.
Na 2009, e gobierno di Barack Obama a elimina e limite existente na e mandamento di placa pa famianan na e isla, cual a permiti cu esaki a crece te yega cerca di 3 biyon dollar na 2016, segun cifranan di e Departamento di Estado.
Reduccion di biahenan no familiar pa Cuba
Autoridadnan Mericano ta restringi tambe tur e biahenan pa Cuba cu no ta pa motibonan familiar.
Actualmente, tin 12 categoria di biahe permiti cu ta inclui esunan cu pa motibonan educativo, pa motibonan profesional y pa promove e “contacto entre e pueblo”.
Ley di Helm-Burton a bira mas streng
Gobierno di Trump lo pone fin na e retraso den aplicación di e Titulo III di e Ley Helms-Burton, cu cual lo habri porta pa ciudadonan Mericano, kende nan propiedad a wordo confisca despues di e triunfo di e revolucion Cubano, demanda den corte Mericano empresanan cu ta explotando e propiedadnan aki. Pompeo a informa cu e medida aki lo drenta na vigor entrenante 2 di mei.
Empresanan sanciona
Autoridadnan Mericano a anuncia cu nan lo agrega cinco empresa Cubano na e lista di companianan cu cual tabata prohibi di transaccionnan directo debi na su relacionnan cu e Forsanan Arma Revolucionario di Cuba (FAR).
