Durante un auditoria na 2009, a bin dilanti cierto recomendacionnan na aeropuerto, al respecto di Cuerpo di Bombero. Y a base di e recomendacionann aki, a haci un research pa e instituto cu por haya e training aki specificamente, cual ta un di e mihonan den e region.
Jacksonsville ta relativamente cerca di Aruba pa cual e certificacion por wordo haci eynan. A sali un grupo grandi di Cuerpo di Bombero ta bayendo. Y los di esaki, e ta bay ta un logro pasobra cu e ta bay ta un di e poco Cuerponan di Bomberonan cu ta bay e certificacion aki. Algun siman pasa, Conseho di Minister a bay di acuerdo cu e proposicion di Minister di Husticia, pa busca e Craft II, cu esey tambe ta den cuadro di e certificacion di bomberonan di Aruba.
Den presupuesto 2019 ta dunando tur atencion na e ‘wenselijkheids begroting’ di Cuerpo di Bombero, pa locual cu nan tin mester: material, cursonan, uniform. Asina ta mantene e Cuerpo di Bombero na un nivel cu ta wordo spera di nos region, di nos pais y di e propio personanan cu ta trahando na e departamento aki.
Como gobierno, nan ta dunando atencion debido na Cuerpo di Bombero y den cuadro di esaki tambe, cu exigencianan internacional cu nos aeropuerto mester cumpli cun’e, pa IKEO y tambe pa nos airport Triple A NV.
Tambe gobierno ta explorando, den cuadro di e situacion financiero, cu retonan grandi pa pais Aruba, mester pensa den dimensionnan nobo. Den cuadro di esaki ta pensando den leasing pa por haya e ekiponan necesario, no obstante cu e situacion financiero di pais Aruba ta dilanti retonan. Pa esaki, e minister y su departamento di ‘Begrotingscoordinatoren’ ta trahando diligentemente, conhuntamente cu e Hoofd van Dienst conhuntamente cu e Cuerpo di Bombero, pa yega na e ekiponan necesario pa e proximo añanan aki.
Y presuepuesto 2019 lo bay hunga un rol hopi importante den e cuadro aki, e minister di Husiticia, mr. Andin Bikker, a finalisa bisando.