KRALENDIJK – Den cuadro cu e problemanan cu a tuma luga den fabricanan na Brazil, Gobierno insular Boneriano a tuma accion y a bin cu e medidanan preventivo necesario. Directie Toezicht & Handhaving a intensiva inspeccion di tur tienda cu ta bende e productonan aki.
Den cuadro cu un investigacion interno, autoriddnan Brazilero a anuncia siman pasa cu lo a tuma luga practicanan dudodo pa loke ta maneho di varios tipo di carni den varios fabrica. E practicanan aki a trece cun’e e reisgo pa salud despues di disfruta di productonan envolvi.
Varios pais den Caribe a saca cierto productonan for di mercado y a distrui esakinan mientras tanto. Ta trata aki di carni di baca y galiña, cu ta bay di acuerdo cu e informacion di produccion y numeracion di produccion y enpake di e carga specifico aki.
Ta trata di carni for di fabricanan cu e numbernan di SIF 825, 1010, 2155, procedente di Brazil.
Pa loke ta carni di bleki, den e caso aki ‘corned beef’ di e marca “Grace” cu e number di SIF 385 (cu fecha di vencimento 25 di November 2020), ta wordo pidi pa no uza e klem, en espera di mas investigacion. Como medida preventivo pa salubridad publico, Gobierno Insular ta haci e peticion na tur habitante pa paga bon tino y pa no come e productonan aki.
Fuente: http://www.bonaire.nu