AMSTERDAM, Hulanda- Pa 2030, Hulandesnan lo cumpra unicamente autonan electrico, lo tin 2 miyon di esakinan ariba caminda y lo tin 1.8 miyon puntonan pa recarga, parti den henter e pais.
Esaki ta segun documentonan confidencial cua NOS a haya y cu a wordo discuti na e supuesto Mobiliteitstafel, cu ta forma parti di acuerdo climatico. E partidonan negociante, Reino y e sector di mobilidad, segun fuentenan lo ta di acuerdo ariab tur e puntonan aki. Pero e tema ta uno sensitivo pa cual e dialogo a tuma mas tempo cu a pensa.
Subsidio di compra
E beneficionan fiscal y subsidio ta cubri pa e medidanan previsto. Pa e vehiculonan nobo cero emision pa uzo priva lo tin un subsidio di adkisicion di 6 mil euro na 2021, cu lo reduci na 2.200 euro na 2030.
Autonan electrico ta keda liber di bmp te cu 2025. Es decir, aanschaffingsbelasting. Desde 2025, e cumprado lo paga un solo biaha 350 euro. Ademas, e chauffeurnan totalmente electrico lo paga motorrijtuigbelasting na 2025 en adelante. Te cu e aña ey, ainda nan lo tin total vrijstelling. Den caso di cu e autonan comercial, lo tin un adicion reduci y un subsidio na e compra cu lo cuminsa cu 2030 euro pa 2021 y lo disminui na 1830 euro, na 2024. E asina yama milieu-investeringsaftrek (MIA) cu companianan por pidi pa autonan electrico of puntonan di recarga lo caduca na 2020.
Tur e medidanan lo mester haci cu e compra di autonan electrico lo mester ta accesibel pa un y tur.