Gobierno di Venezuela a tuma accion contra Representacion di paisnan Europeo na Venezuela entre otro Hulanda, Spaña, Italia, Reino Uni, Suisa y a limita embahadanan na 3 diplomatico.
Embahador di Reino Hulandes y dos persona acredita so lo keda na traha na Embahada, hunto cu e staff local. Demas personal hulandes lo mester sali di Venezuela dentro di 48 ora. Pues e accion ta solamente trata di reduci e personal diplomatico na e momentonan aki.
Servicionan consulario na nos cuidadanonan lo por continua, y peticionnan pa visa tambe por sigui wordo procesa na Caracas.
Ainda no ta conoci si esaki ta e unico medida contra Reino Hulandes y otro paisnan of si mester spera mas. Reino Hulandes en todo caso ta alerta y prepara pa diferente scenario.
