LIMA/ASUNCION – E Ministerio di Relacionnan Exterior di Uruguay diahuebs atardi a anuncia di a ricibi e solicitud di asilo di ex presidente Alan Garcia, cu a drenta e residencia di e embahador Uruguayo na Lima, Carlos Barros, diasabra ultimo.
A trabes di un comunicado publica riba su portal nan a anuncia cu nan a ricibi e solicitud di Garcia den cuadro di e Convencion di Caracas tocante Asilo Diplomatico di 1954 y cu e ta wordo analisa na “nivelnan corespondiente”.
E embahada a agrega cu e ex mandatario lo permanece temporalmente den e compleho diplomatico di Uruguay, ubica den e distrito di San Isidro, te ora cu’n “decisión wordo tuma tocante su solicitud”.
Solicitud di asilo
Garcia a pidi asilo den e embahada di Uruguay na Lima, despues di cu e Poder Hudicial a dicta un prohibicion di biahe pa 18 luna, mientras e ta wordo investiga pa labamento di placa den caso Odebrecht na Peru.