WASHINGTON/CARACAS- Gobierno di Trump a otorga e control di Citgo, filial di PDVSA, na presidente (interino) di Venezuela, Juan Guaido.
Gobierno Mericano a blokia fondo y activonan di PDVSA na Merca y na final di 2017 a prohibi su ciudadanonan y companianan pa negocia bondnan nobo cu Venezuela y e compania estatal petrolero Venezolano. Actualmente PDVSA tin un debe di 150 biyon dollar.
Awo, cerando e circulo, e ta amplia e medidanan na socionan di e compania.
Según e compania di consultant Eurasia Group, probablemente Washington na terceronan pa “debilita e financiacion” di e gobierno socialista mas ainda.
Recientemente, Departamento di Tesoro a sanciona un banco Ruso Evrofinance Mosnarbank, pa a duna “asistencia, patrocinio of duna apoyo financiero, material of tecnologico” na PDVSA.