Diego de Cuba, presidente di STA, a bay riba declaracion di minister Schwengle, kende a yama su propio hendenan pa bruha. E kier a bisa e minister cu e ta procedente di Savaneta, aunke el a nace na Playa. Cu e Gobierno aki ta hopi bruha. Pasobra tempo cu e decisionnan ey a wordo tuma, tur e cosnan aki a pasa via ministerraad. Awor aki Mike Eman locual e kier haci, ta castiga ex minister Otmar Oduber cu e decisionnan cu el a tuma y directamente e ta afectando entradanan di Aruparking. No mester lubida cu STA no ta bay hala atras pa locual cu ta bay pidi den e contracto colectivo. Si esey ta bay causa un buraco den e begroting di Aruparking cu Gobierno a priminti cu e ta bay cover up cu 25 mil florin, segun de Cuba, e cantidad ey no lo bay yega tampoco, pero esey lo ta nan baby. Si kier haci’e den un stunt politico, mirando cu otro aña ta aña di campaña. Segun de Cuba, nan ta completamente fout bezig. Dicon no a haci esaki di prome instante door di para e cos. Awor aki cu ta bisa cu ex minister Oduber no tey mas, ta bin haci e cos aki y ta ripara cu esaki ta practicamente un vengansa cu ta wordo tuma contra e ex minister. Ora cu mira e nombracionnan cu a wordo haci, cu nan a pone minister Mike de Meza den turismo, hopi hende ta bisa cu ATA Bank lo yega su final. Ta cosnan cu ta cos di mucha chikito.
Formando parti di un lista politico, y laga e persona afo y ta bay nombra hende di afo como minister, ta hopi sapateamento lo tabata tin.
De Cuba a agrega, cu e lo bay afecta e begrotting di Aruparking severamente. A combersa cu sr. Teo Croes, director di e entidad riba esaki, pasobra e ta bay afecta e negociacionnan tambe, pasobra ta bay falta un parti grandi di entrada cu awor aki cu e decision cu e Gobierno a tuma.
Por a gewoon lebomay e pagamento di parkeermeternan den Playa y coy e hendenan aki schuifnan den otro departamento di gobierno y doek op Aruparking. E sistema cu tiki tiki elimina loke e minister anterior a forma, awor aki ta brokkel e af, anto haci’e un solo dolor, elimine di biaha. Pakico bay cun’e stapsgewijs. Segun de Cuba, a causa un herida caminda cu e compania aki lo bay sangra pa basta largo te ora cu e muri. Si ta corta den su entrada y tur hende sa den ki situacion penoso cu e Gobierno ta aden. Aruba mes ta den un debe nacional masha grandi mes.
E paso cu prome minister a tuma, ta un decision un tiki descabeya. Aunke e ta faborece e publico, pero e baca a hoga na pos caba. E daño ta haci caba. Practicamente Playa ta moribundo si no e ta morto aba.
Sigur cu esaki ta un perdida formal, pa loke ta e desaroyo di Aruparking. Pakico haci e cosnan aki anto. A hacie a propositamente. Prome Minister no por bin bisa cu e no tabata sa kico tabata pasando, pasobra den ministerraad tur e cosnan aki a wordo palabra, pero no a yega na acuerdo riba nan. Awor aki ta haci cos di mucha chikito. Awor aki ta bay mustra ex minister Oduber, ken ta Mike Eman. Awor ta bay corda den tur e cos bonnan cu el a haci y di e malo nan tambe, pero ta bay mustra con ta bay kibra e ex minister. Y esey ta muchachada. Minister a duna su opinion pakico el a retira. E tin hopi cos cu el a haci malo, tin hopi cos el a haci bon. Pa tuma un decision asina aki y awor aki, ta mescos cu a trece un yiu na mundo y awor aki a kita e tetero di lechi for di dje. E ta muri, e no por biba.
Esey ta locual cu prome minister a haci, segun de Cuba.