MERCA – E agentenan di imigracion di merca a detene siman pasa 680 imigrante den e prome tanda di razzia di e presidencia di Donald Trump, Gobierno Mericano a informa dialuna, kende a defende cu e operacionnan a centra riba e individuonan cu a supone “menasa riba siguridad publico.”
E Secretario di Siguridad Nacional di Merca, John Kelly, a duna cifra di e detenidonan den un comunicado y a subraya cu “aproximadamente 75 porciento” di e 680 tabata “imigrantenan criminal.”
E “Criminalnan” tabata “condena pa distinti delito, entre nan asesinato, abuso sexual grave, asalto sexual na un menor, actonan lascivo of indecentenan na un menor, narcotrafico, agresion fisico, asalto, core bao di influencia di alcohol y cargonan relaciona cu arma,” Kelly a afirma.
“E operacionnan aki a dirigi na detene individuonan cu ta representa menasa na siguridad publico, como imigrantenan criminal cu sentencia den nan contra y miembronan di bandanan criminal,” Kelly a subraya.
Ademas, e operacionnan tabata busca pa detene e “individuonan cu a viola leynan di imigracion di nos pais, inclui esnan cu a bolbe na drenta ilegalmente den e pais despues di a wordo expulsa y na fugitivonan na e huesnan federal di tribunalnan migratorio a ordena deporta,” el a agrega.
Fuente: NTN24