BOGOTA, Colombia- Presidente Ivan Duque tin un apoyo mescos di loke a permiti’e gana eleccionnan dia 17 di juni y 53,8% di e Colombianonan ta aproba su gobernacion. En general, e mandatario ta conserva su apoyo cu el a cosecha durante su campaña electoral.
Un estudio ta confirma cu su apoyo no ta limita na centronan urbando, pero tambe den municipionan mediano y chikito, y zonanan rural. E estudio ta indica cu ta existi diferencianan claro den e percepcionnan di e pobladornan di e ciudadnan grandi y esunnan cu ta biba den e zonanan rural. E prome encuesta durante e gobernacion di Duque ta confirma esaki.
E Colombia urbano ta mas pesimista, inconforme y critico. E pais den zona rural ta mas insitutcionalista. Generalmente, e gobierno nobo tin un miho resultado di evaluacion den un encuesta cu tin un componente campestre mas significativo.
Hecho ta, cu esaki tambe tabata e caso na Colombia durante e gobernacion di Juan Manuel Santos, cu tabata ricibi miho resultado den e encuestanan cu tabata inclui e opinion di e zonanan rural.