ROMA, Italia- Man duro contra di inmigracion y yudansa a empleo pa clase abao ta e prome promesa di e gobierno nobo di Italia. E gobierno ta forma door di Movemento Cinco Strea (M5S) y la Liga. Diamars e coalicion aki lo mester huramenta den parlamento.
Den oranan di mainta, e prome minister, Guiseppe Conte, lo acudi na e gruponan parlamentario pa splica e prioridad di su gobierno y obtene nan confiansa. No mester spera sorpresa di e banda aki, ya cu M5S y La Liga hunto ta forma e mayoria tanto den e Camara di Diputado como di Senado.
Segun Reuters, e programa di gobierno no ta contene niun referencia na un salida di euro. E mercadonan a reacciona di manera intrankil despues di cu e prome acuerdo, cu no a wordo firma, a filtra. E acuerdo aki tabata inclui medidanan manera un mecanismo pa sali for di euro, renegociacion di e Tratadonan Europeo y duna indulto di 250 biyon euro di debe den man di Banco Central Europeo. Tanto M5S como La Liga a confirma cu tal medidanan no ta forma parti di e acuerdo final.
E gobierno aki di Italia ta un gobierno hopi sceptico tocante Europa.
Fuente: http://www.rtve.es